懒分老公定老婆 王贤誌冇谂要B

作者: 时间:2020-02-10 分类:健康早班车 评论:11 条 浏览:747

王氏港建集团主席王忠桐儿子兼东华三院副主席王贤誌(Vinci),8月1日与拍拖七年的初恋情人Kevin于温哥华结婚,是香港圈中首对公开的男同性婚姻。Vinci昨日婚后首次露面,左手戴上婚戒的他春风满脸,大方谈及婚姻生活,并表示暂未有计划搵代母生B或领养小朋友。懒分老公定老婆 王贤誌冇谂要BKevin(左)昨日陪Vinci玩Facebook直播,但就因怕丑未有出镜。

Vinci中午时分相约着名公关好友郑绍康食饭,两人即场玩facebook直播,晚上则出席好友设计师何国钲举行的婚纱骚。Vinci玩直播时Kevin亦有陪同,但就未有出镜。Vinci表示婚后与家人一齐坐邮轮到阿拉斯加旅行:「点解拣8月1日(结婚)?因为8月3日就踏入农曆7月,一定要7月前做咗呢件事,多谢大家祝福。」Vinci坐邮轮去看了冰川、划独木舟又玩淘金,笑言Kevin不是咖啡师,是淘金师,因平日沖咖啡拉花技巧令他淘到不少金。问到会否想效法「乐坛大姑妈」艾顿庄(Elton John)拥有自己的小朋友或领养?Vinci说:「冇谂过,我工作好忙,冇时间去照顾,而且结婚唔係为咗呢样嘢,冇谂到咁详细。」

冇求婚唔补摆酒

而婚纱骚上Vinci左手戴上婚戒单拖出席,问到他如何称呼另一半?他笑言:「冇乜特别分(老公老婆),都係嗌佢个名。今次结婚係好突然决定,因为家人计划去加拿大旅行,咁啱Kevin又得闲,就一齐去。突然谂起加拿大(同性恋婚姻合法),不如就结婚。(边个提出?)我,大家之前有倾过,但冇机会实行。(有求婚?)冇,一啲都唔浪漫同埋好仓卒,喺两个月内完成婚礼。(香港补摆酒?)唔会喇,接触过香港摆酒嘅地方都要一年前订,或者各自同朋友食饭。(家人全力支持?)家人一早知我嘅性取向,已见过另一半好多次。(融入对方家中?)向来好似亲人咁。係行前咗重要嘅一步,因为再大年纪未必有机会做,唔想好老时先做,依家阶段稳定,双方家人OK咪做啰!」

懒分老公定老婆 王贤誌冇谂要BVinci与Kevin在加拿大度蜜月期间划独木舟。懒分老公定老婆 王贤誌冇谂要BVinci送上结婚限量纪念杯给公关好友郑绍康。懒分老公定老婆 王贤誌冇谂要B左手戴上婚戒的Vinci,昨晚单拖出席婚纱骚。懒分老公定老婆 王贤誌冇谂要B设计师何国钲(右)昨晚举办婚纱骚,获好友陈嘉桓盛装撑场。多给包容毋须匿埋

已第六次举办婚纱骚的何国钲谈王贤誌新婚,即送上祝福,大讚对方勇敢:「其实係佢两个人嘅事,佢哋开心咪得,我睇住佢哋拍拖结婚,好替佢开心。我唔係鼓吹,但可以畀年轻人睇到唔使再匿匿埋埋,大家多啲包容。」

文:名人组